Servetsch da mediaziun grischunais da las instituziuns da spitex,d‘attempads e da persunas cun impediments
Finamiras ed incumbensas
En instituziuns da spitex, instituziuns per la vegliadetgna ed instituziuns per persunas cun impediments poi adina puspè dar tensiuns e conflicts tranter las persunas cumpigliadas. La finamira e l’incumbensa dal servetsch da mediaziun è da gidar a chattar a moda nunbirocratica ina soluziun che vegn acceptada da las partidas pertutgadas.
Princips dal servetsch da mediaziun
- Il servetsch da mediaziun agescha a moda independenta ed autonoma ed è politicamain e confessiunalmain neutral.
- Tut las activitads vegnan exequidas a moda confidenziala, discreta, nunbirocratica ed individuala.
- Il servetsch da mediaziun è francà e connectà en il chantun Grischun ed enconuscha las relaziuns regiunalas. Sche pussaivel vegnan resguardadas las cundiziuns linguisticas e culturalas da las partidas.
- Las prestaziuns dal servetsch da mediaziun èn per il solit gratuitas u vegnan remuneradas a basa facultativa. En cas da proceduras da mediaziun extendidas po vegnir pretendida ina contribuziun a las spesas.
Proceder
La dunna da mediaziun tschertga il discurs cun las partidas ed emprova d’intermediar tranter ellas.
Surveglianza
La dunna da mediaziun è suttamessa a l’Uniun servetsch da mediaziun da las instituziuns da spitex, las instituziuns per la vegliadetgna e las instituziuns per persunas cun impediments dal Grischun (OSAB GR). Ad ella dat la dunna da mediaziun regularmain rapport davart sias activitads, natiralmain cun mantegnair l’anonimitad.
Cumpetenza
Tgi po sa drizzar al servetsch da mediaziun?
Al servetsch da mediaziun pon sa drizzar abitantas ed abitants da chasas d’attempads e da tgira sco era d’instituziuns per persunas cun impediments, clientas e clients d’organisaziuns da spitex sco era clientas e clients d’autras organisaziuns per la vegliadetgna che sa sentan tractads a moda malgista u che sa sentan offendids. In emprim contact cun la partida da conflict duess gia avair gì lieu.
Il servetsch da mediaziun cusseglia dentant er en connex cun furniturs da prestaziuns, per exempel per evitar intschertezzas che pon manar a conflicts.
Cun excepziun da:
- dumondas dal dretg da lavur e problems cun cundiziuns d’engaschament
- conflicts privats tranter parents
- cas nua ch’ina assistenza giuridica è gia vegnida integrada
sch’il servetsch da mediaziun è cumpetent pervi da motivs dal lieu
Il servetsch da mediaziun tracta mo conflicts cun instituziuns ch’èn activas en il chantun Grischun. I vegnan sche pussaivel resguardadas las cundiziuns linguisticas e culturalas da las partidas.
Elisabeth Blumer | Ombudsfrau
lic. iur. Elisabeth Blumer
Quaderstrasse 5
Postfach 26
7002 Chur
Telefon 0844 80 80 44
info(at)osab-gr.ch
Fachberatung Pflege
Carmen Marugg | Pflegedienstleitung Casa Falveng Domat/Ems